Mustaqillikning 35 yilligi munosabati bilan O‘zbekiston texnologik metallar kombinati (TMK) tomonidan Smart Powder — Markaziy Osiyodagi birinchi va yagona kukun metallurgiya korxonasi qurib bitkaziladi.
25,2 million AQSH dollari qiymatidagi loyiha yiliga 50 million dona yuqori aniqlikdagi avtomobil detallarini ishlab chiqarish quvvatiga ega. Korxonada dunyoning ilg‘or Press & Sinter texnologiyasi asosida dvigatel va avtomobil sanoati uchun murakkab detallar ishlab chiqariladi.
Korxonada kelgusida 50 dan ortiq turdagi yuqori aniqlikdagi avtomobil komponentlari ishlab chiqarish rejalashtirilgan. Mahsulotlar ichki bozor bilan bir qatorda Koreya, Eron, Malayziya va boshqa mamlakatlarga eksport qilinadi.
Loyiha kelgusida Hyundai, Kia Motors, JFE Steel, Mitsubishi Materials va boshqa yirik xalqaro sanoat kompaniyalari bilan hamkorlikni kengaytirish uchun muhim platforma bo‘lib xizmat qiladi.
Smart Powder Markaziy Osiyoda avtomobil sanoati uchun Tier-1 darajasidagi ishlab chiqaruvchiga aylanib, dunyoning yetakchi avtomobil brendlariga ehtiyot qismlarni bevosita yetkazib berishni maqsad qilgan.
