Oʻzbekiston texnologik metallar kombinati bosh ofisida Avstraliyaning yetakchi muhandislik va konsalting kompaniyasi Newpro Consulting and Engineering Services Pty Ltd bilan uchrashuv boʻlib oʻtdi.
Mazkur uchrashuv doirasida “Sarikoʻl volfram konini oʻzlashtirish” boʻyicha xalqaro Feasibility Study (texnik-iqtisodiy asos) loyihasini ishlab chiqish yuzasidan muhim shartnoma imzolandi.
Loyiha Newpro kompaniyasi bosh direktori Pol Nyuling (Paul Newling) rahbarligida olib boriladi va u xalqaro standartlarga mos, innovatsion va barqaror yechimlarga asoslanadi.
Ushbu loyiha Sarikoʻl volfram konining iqtisodiy salohiyatini ochib berish bilan birga, konchilik sohasida yangi bosqichni boshlab beradi.
Ma’lumot uchun, Newpro Consulting and Engineering Services – bu muhandislik loyihalash, loyiha boshqaruvi va konsalting xizmatlarida katta tajribaga ega kompaniya boʻlib, qurilish, energetika va infratuzilma kabi sohalarda faoliyat yuritadi.
_1759382226.jpg)
_1759382220.jpg)
_1759382220.jpg)
_1759382258.jpg)
