Ayni paytda Xitoyda bo‘lib turgan TMK delegatsiyasi hamda Piza universitetining Toshkentdagi filiali Xitoyning nufuzli universitetlari Southeast University (SEU) va Nanjing University (NJU) bilan uchrashuv o‘tkazdi.
Muzokaralar TMK tashabbusi bilan tashkil etilgan “Texnologik metallar oliy maktabi” faoliyatini yanada kengaytirish masalalariga bag‘ishlandi.
Uchrashuvlar natijasida materialshunoslik va axborot texnologiyalari yo‘nalishlarida xalqaro ta’lim dasturlarini joriy etish bo‘yicha muhim kelishuvlarga erishildi. Xususan, hamkorlik doirasida “1+3”, "2+2" hamda “1+3+1 (magistratura)” formatdagi qo‘shma o‘quv dasturlarini amalga oshiriladi.
Ushbu dasturlar talabalar uchun bir vaqtning o‘zida nazariy bilim va ilg‘or amaliy ko‘nikmalarni egallash imkonini yaratadi va kelajak muhandislarini tayyorlashda sifat jihatidan yangi darajani ta’minlaydi.
Shuningdek, muzokaralar doirasida TMK huzuridagi R&D Parkka Southeast University’dan yuqori malakali tadqiqotchilarni jalb etish, qo‘shma ilmiy-tadqiqot loyihalarini yo‘lga qo‘yish hamda innovatsion ishlanmalarni sanoatga tatbiq etish masalalari ham atroflicha muhokama qilindi.
_1767874357.jpg)
_1767874347.jpg)
_1767874362.jpg)
_1767874361.jpg)
