Londonda bo‘lib o‘tgan 13-MINEX Eurasia Mining Conference — bu yilgi London konchilik haftaligining eng muhim qismlaridan biri sifatida Yevrosiyoning kritik xomashyo bo‘yicha yangi geopolitik va investitsion kun tartibini shakllantirdi.
MINEX Eurasia 2025 Markaziy Osiyo va Yevroosiyoda kritik minerallar bozorining rivojlanish dinamikasini tahlil qilish, investorlar, hukumatlar va sanoat kompaniyalarini bir maydonda to‘plab, yangi loyihalar va hamkorliklarni yo‘lga qo‘yishga xizmat qildi.
Forumning ilk sessiyasi Markaziy Osiyoda kritik minerallar bo'yicha hamkorlik imkoniyatlariga bag'ishlanib unda TMK Boshqaruv raisi maslahatchisi Han Ilhan O‘zbekistonning muhim xomashyo bo‘yicha yangi industrial modeli haqida nutq so'zladi.
Shuningdek, u o'z chiqishida TMKning “Mine–Metal–Market” modeli va mintaqadagi yagona to‘liq qiymat zanjiri, investitsion imkoniyatlar va xalqaro miqyosda shiddat bilan kengayib borayotgan hamkorliklar doirasiga alohida urg'u berdi.
Global ta’minot zanjirlari qayta shakllanayotgan bir paytda, TMKning ushbu forumdagi ishtiroki O‘zbekistonni kritik minerallar bo'yicha investorlar uchun yangi industrial markaz sifatida namoyish etdi.
_1765366628.jpg)
