Bugun Belgiya Qirolligining Bryussel shahrida Yevropa grafit va uglerod materiallari uyushmasining (ECGA) kuzgi yillik anjumani boshlandi. TMK uyushmaning faol a’zosi sifatida ushbu muhim uchrashuvda ishtirok etmoqda.
Anjumanda, shuningdek, Eurofer, Eurometaux, Euracoal, Euroalliages kabi yirik Yevropa sanoat ittifoqlari hamda Yevropa Komissiyasining tegishli bosh boshqarmalari vakillari qatnashmoqda.
Muhokama qilinayotgan asosiy yo‘nalishlar:
➡️metallurgiya sanoatida chiqindilar va energiya samaradorligini oshirish bo‘yicha yangi parametrlar;
➡️10 000 dan ortiq kimyoviy moddalar bo‘yicha soddalashtirilgan nazorat tizimi va muqobil materiallar siyosati;
➡️Politsiklik aromatik uglevodorodlar uchun me’yoriy limitlar;
➡️Yevropa Ittifoqining 2025-yildagi yangi ekologik tashabbuslarining sanoat va xomashyo sektorlariga ta’siri.
Ushbu mavzular Yevropaning uglerod va grafit ishlab chiqarish ekotizimini tubdan qayta shakllantirishi, global ta’minot zanjirlarida yangi standartlarni belgilashi mumkin.
TMK muhokamalarda Markaziy Osiyoning ovozini ifoda etib, mintaqaning texnologik metallar sohasidagi manfaatlarini xalqaro miqyosda ilgari surmoqda.
Kelgusi yillarda Yevropa grafit, uglerod va texnologik metall bozorining qanday qiyofada bo‘lishini belgilaydigan muhim muhokamalarni biz bilan kuzatib boring.
_1761023046.jpg)
