Bugun TMK vakillari Amira Global — Avstraliya Minerallar Sanoati Tadqiqot Assotsiatsiyasi vakili, metallurgiya va kimyo sanoatida 35 yillik tajribaga ega Silviya Blek bilan onlayn muloqot o'tkazdi.
Uchrashuv Amira Global tashkilotining “New Generation Lithium Production Technology – A Game Changer” loyihasi doirasida bo‘lib o‘tdi. Unda yangi avlod litiy ishlab chiqarish texnologiyasining TMK rivojidagi ta'siri muhokama qilindi.
Silviya Blek TMKning bir qator xalqaro yirik assotsiatsiyalar, xususan, Koreya Milliy nodir metallar instituti, Koreya sanoat texnologiyalar instituti, shuningdek ERMA, ECGA, IMOA, REIA kabilar bilan yo‘lga qo‘yilgan mustahkam hamkorlik aloqalarini yuqori baholadi.
Uchrashuv yakunida Amira Global bilan “New Generation Lithium Production Technology" loyihasi bo‘yicha hamkorlik qilishga kelishib olindi.
Ma'lumot uchun, Amira Global minerallar bo‘yicha dunyodagi yetakchi assotsiatsiyalardan biri bo'lib, u mingdan ortiq tadqiqotchi, yuzdan ortiq ilmiy muassasalar va ellikdan ortiq ishlab chiqaruvchi tashkilotlarni birlashtirgan.
