TMK PDAC 2026 doirasida Toronto shahrida "Shangxiang Minmetals" hamda "Beijing SinoHy Energy" kompaniyalarining AQShdagi ofisi bilan hamkorlik memorandumi imzoladi.
Hamkorlik doirasida O‘zbekiston tog‘-kon sanoatida vodorod energiyasi texnologiyalarini joriy etish, zamonaviy vodorod ishlab chiqarish uskunalarini qo‘llash, hamda innovatsion va ekologik toza sanoat yechimlarini rivojlantirish bo‘yicha qo‘shma tashabbuslar ilgari suriladi.
Mazkur hamkorlik O‘zbekistonning kritik minerallar sanoati, yashil energetika va innovatsion texnologiyalar sohasida global hamkorliklarni kengaytirish hamda barqaror sanoat rivojlanishiga yangi imkoniyatlar ochadi.
Ma'lumot uchun, Shangxiang Minmetals Inc. — maxsus metallar, qotishmalar va yuqori texnologik metall mahsulotlari yetkazib berish bo‘yicha xalqaro miqyosda tanilgan kompaniya bo‘lib, aviatsiya, energetika va ilg‘or sanoat tarmoqlari uchun xomashyo va metall materiallar bilan ta’minlaydi.
Beijing SinoHy Energy (Hygreen) — vodorod energetikasi sohasida faoliyat yurituvchi yuqori texnologik kompaniya bo‘lib, suv elektrolizatorlari va vodorod ishlab chiqarish uskunalarini ishlab chiqish va ishlab chiqarishga ixtisoslashgan.
