Sariko‘l volfram koni O‘zbekistonning eng yirik volfram zaxiralaridan biriga ega, geologik jihatdan boy va istiqbolli hududlardan biri hisoblanadi.
Bugun TMKda ushbu konni o‘zlashtirish bo‘yicha yetakchi muhandislik va konsalting kompaniyalari AMC Consulting va NewPro Consulting and Engineering Services bilan onlayn uchrashuv bo‘lib o‘tdi. Mazkur uchrashuv xalqaro texnik-iqtisodiy asoslash (FS) hujjatini ishlab chiqish ishlariga bag‘ishlandi.
Uchrashuv davomida ushbu kompaniyalarning tajribali mutaxassislari TMK vakillari bilan FS hujjatini zamonaviy texnologiyalar asosida va xalqaro talablarga to‘liq mos tarzda ishlab chiqish bo‘yicha kelishuvga erishdilar.
Ushbu hamkorlik Sariko‘l volfram koni loyihasining samaradorligini oshirish, investitsion jozibadorligini kuchaytirish va O‘zbekistonning texnologik metallar sohasida global raqobatbardoshligini yangi bosqichga olib chiqishga xizmat qiladi.
Ma'lumot uchun, AMC Consulting hamda NewPro Consulting and Engineering Services — tog‘-kon sanoati, metallurgiya va resurslarni boshqarish bo'yicha Avstraliyaning uzoq yillik tajribaga ega yetakchi muhandislik kompaniyalari hisoblanadi.
