TMKda Kanadaning Kingston Process Metallurgy(KPM) kompaniyasi asoschisi va rahbari Boyd Davis bilan onlayn uchrashuv bo'lib o'tdi.
Uchrashuv davomida TMK faoliyati va istiqbolli rejalari taqdim etildi. Muhokamalar asosan konlardan titan va magniy oksidlarini ajratib olish loyihalariga qaratildi.
"Biz TMKning hozirgi olib borayotgan faoliyatidan kelib chiqib, uning yaqin kelajakda katta natijalarga erishishiga ishonyapmiz,” — dedi KPM rahbari Boyd Davis.
Uchrashuv yakunida tomonlar dastlabki tadqiqotlarni o‘tkazish va Konseptual Baholash hisobotlarini ishlab chiqishni boshlashga kelishib oldilar.
Ma'lumot uchun, KPM kompaniyasi metallurgiya, kritik metallar, mineralni qayta ishlash hamda innovatsion texnologik yechimlar yaratish yo‘nalishida faoliyat yuritadi. U AQSh, Yaponiya, Fransiya, Buyuk Britaniya, Braziliya, Chili va Janubiy Afrika kabi davlatlarda yirik loyihalarni amalga oshirgan.
