Ayni paytda O‘zbekiston Texnologik Metallar Kombinati delegatsiyasi Xitoyning Xiamen shahrida o‘tayotgan CIFIT 2025 – dunyoning eng yirik investitsiya va savdo platformalaridan birida faol ishtirok etmoqda.
Bu yarmarka global hamkorlik, yangi imkoniyatlar va istiqbollarni shakllantirishda muhim maydon bo‘lib, TMK vakillari hozir aynan shu jarayonlar markazida muzokaralar olib bormoqda.
Uchrashuvlarda TMK Xitoyning uchta yetakchi kompaniyasi bilan hamkorlik yo‘nalishlarini muhokama qildi:
CATL – Litiy batareyalar ishlab chiqarish va qo‘llash samaradorligini oshirish bo‘yicha imkoniyatlar.
GEM Recycling for Future – chiqindilarni qayta ishlash, barqaror rivojlanish va ekologik yechimlar.
Hithium Power – litiy batareyalar ishlab chiqarish va yangi energiya quvvatlarini yaratish istiqbollari.
Ushbu uchrashuvlar TMKning yashil texnologiyalar, energiya samaradorligi va barqaror rivojlanish bo‘yicha xalqaro hamkorlikni kengaytirish yo‘lidagi muhim qadami bo‘ldi.
