PDAC 2026 xalqaro anjumani doirasida Kanada elchixonasi tashabbusi bilan roundtable uchrashuvi tashkil etildi. Unda TMK uchun maxsus sessiya ajratilib, kompaniya vakillari tomonidan strategik rivojlanish dasturi, investitsiya loyihalari, Mine-Metal-Market integratsiyalashgan modeli hamda xalqaro hamkorlik imkoniyatlari yuzasidan batafsil taqdimotlar o‘tkazildi.
Shuningdek, PDAC 2026 doirasida TMK stendi qator xorijiy kompaniyalar, investitsiya institutlari va diplomatik vakolatxonalar uchun faol muzokara maydoniga aylandi. Delegatsiya vakillari tomonidan bir nechta xalqaro hamkorlar bilan istiqbolli hamkorlik yo‘nalishlari muhokama qilindi.
Xususan, bir qator yo‘nalishlarda hamkorlik imkoniyatlari ko'rib chiqildi:
- Geologiya va konchilik sohasida xalqaro tajriba almashinuvi hamda texnik maslahat xizmatlarini yo‘lga qo‘yish;
- Investitsiya va ishlab chiqarish loyihalari bo‘yicha konsalting xizmatlarini tashkil etish;
- Xorijiy investitsiyalarni jalb qilish va institutsional hamkorlik mexanizmlarini shakllantirish;
- Xalqaro biznes aloqalarini kengaytirish;
- Geologik modellashtirish va resurslarni baholash bo‘yicha ilg‘or yondashuvlarni joriy etish.
Mazkur muzokaralar TMKning global maydondagi pozitsiyasini mustahkamlash, investitsiyaviy jozibadorligini oshirish va strategik loyihalarni xalqaro darajada ilgari surish yo‘lida muhim qadam bo‘ldi.
