O‘zbekiston texnologik metallar kombinati (TMK) mamlakatimizning yetakchi ilmiy-tadqiqot institutlari bilan ilm-fan va sanoat integratsiyasini yanada rivojlantirishga bag‘ishlangan uchrashuv o‘tkazdi.
Unda Fizika-texnika instituti, Yadro fizikasi instituti, Geologiya va geofizika instituti, Mineral resurslar instituti, Materialshunoslik instituti, Ion-plazma texnologiyalari instituti hamda TMK R&D Park mutaxassislari ishtirok etdi.
Uchrashuv davomida tomonlar ishlab chiqarish samaradorligini oshirish va innovatsion texnologiyalarni joriy etishga qaratilgan muhim ilmiy-tadqiqot loyihalarini muhokama qildilar.
Shuningdek, uchrashuvda:
-ilmiy salohiyatni sanoat ehtiyojlari bilan uyg‘unlashtirish;
-O'zbekistondagi ilmiy texnologik loyihalar bazasini kengaytirish;
-qo‘shma laboratoriyalar va tajriba-sinov loyihalarini rivojlantirish;
-yuqori qo‘shilgan qiymatli mahsulotlar ishlab chiqarishni kengaytirish masalalariga alohida e'tibor qaratildi.
Yakunda TMK va ilmiy muassasalar o‘rtasidagi hamkorlikning ustuvor yo‘nalishlari belgilab olinib, kelgusida qo‘shma ilmiy-tadqiqot va innovatsion loyihalarni amalga oshirish bo‘yicha kelishuvga erishildi.
_1784208131.jpg)
_1784208130.jpg)
_1784208128.jpg)
