O‘zbekiston Texnologik Metallar Kombinati rahbariyati va Pokiston Investitsiyalar bo‘yicha Bosh direktori Farah Faruq, Pokiston Investitsiyalarni rag‘batlantirish Kengashi kotibining o‘rinbosari Sajjid Mehmud Qozi va delegatsiya a’zolari o'rtasida uchrashuv o‘tkazildi.
Muzokaralarda ikki tomonlama iqtisodiy aloqalarni yanada mustahkamlash, qo‘shma investitsiya loyihalarini amalga oshirish va sanoat mahsulotlari ishlab chiqarish salohiyatini oshirish masalalari muhokama qilindi.
Pokiston delegatsiyasi o‘z navbatida TMK bilan hamkorlik qilishga yuqori qiziqish bildirdi. Ular O‘zbekistonda mavjud noyob yer elementlari va texnologik metallar sohasidagi salohiyatni o‘zaro manfaatli loyihalarda qo‘llash imkoniyatlari katta ekanini qayd etdilar.
Bu uchrashuv ikki davlat sanoati va investitsiya hamkorligi uchun muhim bosqich bo‘ldi!
