TMK boshqaruv raisi Farhod Abdullaev hamda delegatsiya a’zolari Turkiyaning OSTİM Mudofaa va Aviatsiya Klasterining (OSSA) a’zolari va konchilik sohasi vakillari bilan uchrashuv o‘tkazdi.
Uchrashuvning asosiy mavzusi - ikki davlat o‘rtasidagi o‘zaro manfaatli hamkorlikni mustahkamlash va noyob yer elementlari hamda texnologik metallar bo‘yicha qo‘shma loyihalarni amalga oshirish imkoniyatlari bo‘ldi.
Turk kompaniyalari strategik xomashyo - noyob yer elementlari bilan barqaror ta’minlanish uchun TMK bilan yaqindan ishlashga katta qiziqish bildirdi. Bu esa Turkiya sanoati, aviatsiya va yuqori texnologiyalar sohalarida ishlab chiqarishni yangi bosqichga olib chiqishi mumkinligi ta’kidlandi.
TMK tomonidan O‘zbekistonda mavjud boy mineral resurslardan oqilona va barqaror foydalanish asosida OSTİM kompaniyalari uchun uzoq muddatli va ishonchli sherik bo‘lishga tayyor ekanligi bildirildi.
OSTİM rahbariyati hamkorlik ikki tomonlama iqtisodiy aloqalarni kuchaytirib, yangi qo‘shma investitsiyalar, ilmiy-tadqiqot ishlari va yuqori qo‘shilgan qiymatga ega mahsulotlar ishlab chiqarish uchun mustahkam zamin yaratishini qayd etdi.
_1758781652.jpg)
_1758781666.jpg)
_1758781705.jpg)
