54,5 million dollarlik loyiha;
Yiliga 500 ming tonna sulfat kislota ishlab chiqarish quvvati;
152 million kVt·soat elektr energiyasi ishlab chiqarish salohiyati.
Bular shunchaki raqamlar emas…
TMK Chemicals — O‘zbekiston texnologik metallar kombinati (TMK) tomonidan amalga oshirilayotgan muhim loyiha bo‘lib, mamlakatimizda zamonaviy sulfat kislota ishlab chiqarishni yo‘lga qo‘yish orqali kritik metallarni chuqur qayta ishlash uchun zarur kimyoviy infratuzilmani shakllantirmoqda.
Loyiha:
- yuqori tozalikdagi sulfat kislota ishlab chiqarishni yo‘lga qo‘yadi;
- kritik minerallarni qayta ishlash uchun barqaror reagent bazasini shakllantiradi;
- yuqori qo‘shilgan qiymatli mahsulotlar ishlab chiqarish zanjirini kengaytiradi.
Loyiha Prezidentimiz tomonidan belgilangan kimyo sanoatini modernizatsiya qilish va yuqori qo‘shilgan qiymat yaratish bo‘yicha ustuvor vazifalarning amaliy ifodasidir. Xususan, sulfat kislotasi asosida magniy, nikel, xrom, kobalt va boshqa strategik mahsulotlarni olish bo‘yicha belgilangan yo‘nalishlar ushbu loyiha ahamiyatini yanada oshirmoqda.
TMK Chemicals - O‘zbekiston kimyo sanoati uchun yangi bosqich.
