Turkiyaning sanoat sohasidagi yetakchi kompaniyalaridan biri — OSTİM PROJE bilan muhim uchrashuv bo‘lib o‘tdi. Unda tomonlar bir qator masalalarni muhokama qilib, hamkorlik bo‘yicha shartnomalar imzoladilar.
Hamkorlikning asosiy yo‘nalishlari:
- Turkiya tajribasini, xususan, OSB modelini texnopark faoliyatiga joriy etish;
- Infratuzilmaviy va texnologik loyihalarda qo‘shma ishlab chiqarish hamda investitsiyalarni amalga oshirish;
- Chuqur qayta ishlash va yuqori qo‘shilgan qiymatli mahsulotlar ishlab chiqarishda texnologiya transferini ta’minlash.
Uchrashuv yakunlariga ko‘ra, texnopark qatnashuvchilari OSTİM modeli asosida zamonaviy klaster tizimida faoliyat yuritadi. O‘zbekistondagi sanoat uchun muhim minerallardan tayyor mahsulot ishlab chiqarishga qaratilgan loyihalarda turkiyalik investorlar ham ishtirok etadilar.
Ushbu kelishuv “Kelajak metallari texnoparki”ni Markaziy Osiyoda innovatsion metallurgiya va texnologik xab sifatida rivojlantiradi. Yangi ishlab chiqarish quvvatlarini, ish o‘rinlarini yaratadi. Eksport hajmini oshirib, Texnoparkni mintaqadagi yetakchi markazga aylantiradi.
