TMK muhandislari Janubiy Koreyada bo‘lib o‘tgan “The 6th Rare Metals Engineer Training Course” xalqaro malaka oshirish dasturini muvaffaqiyatli tamomlab, maxsus sertifikatlarni qo'lga kiritdilar.
Mazkur dastur Koreya Milliy nodir metallar instituti (KORAM) va Koreya sinov va sertifikatlash markazi (KTC) tomonidan tashkil etilib, metallurgiya sohasining eng ilg‘or yo‘nalishlarini o‘z ichida jamladi. Mashg‘ulotlar nazariya va amaliyotni uyg‘unlashtirgan holda, real sanoat sharoitlarida olib borildi.
TMK mutaxassislari o‘quv jarayonida KITECH, EGUN, WELTECH, Force Metal va Bolim kabi Koreyaning yetakchi ilmiy va sanoat markazlarida tajriba orttirib, yuqori aniqlikdagi zamonaviy uskunalar bilan ishlash ko‘nikmalarini yanada boyitdi.
Ushbu dastur davomida o‘zlashtirilgan ilg‘or bilim va amaliy ko‘nikmalar O‘zbekiston sanoatida tatbiq etilib, texnologik jarayonlarni yanada samarali va innovatsion yo‘nalishga olib chiqadi.
