O‘zbekiston texnologik metallar kombinati xodimlari kundalik ish jarayonida Excel dasturidan samarali foydalanish bo‘yicha 2 soatlik intensiv korporativ seminarda qatnashib, amaliy ko‘nikmalarini mustahkamladi.
Seminar tashkilot hududida oflayn formatda o‘tkazildi va unga Excel dasturidan faol foydalanadigan 25 nafar xodim jalb qilindi. Mashg‘ulot davomida ishtirokchilar dastur imkoniyatlarini yanada chuqurroq o‘rganib, ish samaradorligini oshirishga xizmat qiluvchi amaliy bilimlarni qo‘lga kiritishdi.
Dars jarayonida xodimlardan faollik va amaliy mashqlarni bajarish talab etildi. Yakunda barcha ishtirokchilarga sertifikatlar topshirildi. Ushbu trening TMK jamoasining raqamli ko‘nikmalarini rivojlantirish va ish jarayonlarini optimallashtirish yo‘lidagi navbatdagi muhim qadamlardan biri bo‘ldi.
