O‘zbekiston texnologik metallar kombinati (TMK) xodimi Raxmatov Xayot Toshpulatovich O‘zbekiston – Buyuk Britaniya hamkorligida o‘tkazilgan xalqaro ilmiy-amaliy konferensiya doirasida “Buyuk xizmat – Oliy sharaf” xalqaro esdalik nishoni bilan taqdirlandi.
Taqdirlangan ilmiy ish global va milliy iqtisodiyotda kritik metallarning (litiy, molibden, volfram va boshqalar) tutgan o‘rni, O‘zbekistonning resurs salohiyati hamda TMK huzuridagi Kritik minerallar ilmiy markazi faoliyatini tahlil qilishga bag‘ishlangan. Tadqiqotda mamlakatimizda yuqori qo‘shimcha qiymat zanjirlarini rivojlantirish va toza texnologiyalarni joriy etish masalalari aks ettirilgan.
Ushbu yuksak e’tirof ilmiy faoliyat, fidokorona mehnat hamda jamiyat va ilm-fan rivojiga qo‘shgan munosib hissa uchun taqdim etildi.
TMK jamoasi Raxmatov Xayot Toshpulatovichni ushbu yutuq bilan samimiy muborakbod etadi hamda kelgusi ilmiy va kasbiy faoliyatida zafarlar tilaydi!
