O‘zbekiston texnologik metallar kombinati va Oliy ta’lim, fan va innovatsiyalar vazirligi hamkorligida mamlakatimizda ilk bor yirik xalqaro miqyosdagi muhim tadbir — “Kelajak muhandislari” xalqaro festivali tashkil etildi.
Mazkur festival muhandislik yo‘nalishlarida tahsil olayotgan iqtidorli yoshlarni har tomonlama qo‘llab-quvvatlash, ularning intellektual salohiyatini namoyon etish va innovatsion g‘oyalarini keng jamoatchilik e’tiboriga havola etish maqsadida o‘tkazilmoqda.
O‘zTMK tomonidan festival musobaqalarida g‘oliblikni qo‘lga kiritgan ishtirokchilar uchun qimmatli va ilhomlantiruvchi sovg‘a tayyorlangan. Ushbu sovg‘a nafaqat esdalik sifatida, balki yoshlarning kelgusi kasbiy faoliyatiga amaliy turtki bo‘luvchi imkoniyatni ham taqdim etadi. Jarayonlarni biz bilan kuzatib boring.
