O‘zbekiston texnologik metallar kombinatining (TMK) "Nodir metallar va qattiq qotishmalar ishlab chiqarish zavodida yosh mutaxassis 26 yoshli Maftuna o‘zining intiluvchanligi va mas'uliyatli mehnati bilan ajralib turadi.
Uning ta'kidlashicha, ish jarayonidagi har bir aniqlik va mas'uliyat undan keyingi bosqichlarga ham to‘g‘ridan-to‘g‘ri o‘z ta'sirini ko‘rsatadi. Shu sababli har bir jarayonni qunt bilan nazorat qilish sifatli mahsulot garovidir.
"Nega aynan metallurgiyadek qiyin sohani tanlagansan?" degan savolga u shunday deydi:
"Chunki mening katta maqsadlarim bor edi. Bugun kombinatimizda bilim va tajribamizni oshirish, xorijiy tillarni o‘rganish va hattoki chet davlatlarga borib metallurgiyani mukammal egallashimiz uchun barcha imkoniyat va sharoitlar yaratilgan.
Mana, yaqinda imtihon natijalari chiqdi va men universitetga qabul qilindim! TMK menga bir vaqtning o‘zida ham ishlab, ham o‘qib, kelajakda o‘z ustimda ishlashim uchun juda katta imkoniyatlar eshigini ochib bermoqda."
Sifatli va raqobatbardosh mahsulotlar ishlab chiqarib, mamlakatimiz rivojiga o‘z hissasini qo‘shayotgan yosh mutassisimiz aziz yoshlarimiz va qadrli yurtdoshlarimizni Mustaqillik bayrami bilan samimiy muborakbod etadi!
