O‘zbekiston texnologik metallar kombinatida xorijlik ekspertlar ishtirokida “Turli moliyaviy instrumentlar yordamida kapitalga erishish” mavzusida seminar-trening bo‘lib o‘tdi. Mazkur tadbirda kombinat rahbariyati, loyiha menejerlari, bo‘lim boshliqlari hamda moliyaviy rejalashtirish va investitsiya yo‘nalishida faoliyat yurituvchi mutaxassislar qatnashdi.
Seminar-treningda xorijiy ekspertlar kapital jalb qilishning zamonaviy mexanizmlari, moliyaviy risklarni baholash, real loyihalar misolida investorlar e’tiborini jalb etish uchun zarur bo‘lgan hujjatlarni tayyorlash, biznes-rejalar tuzish va moliyaviy prognozlarni ishlab chiqish bo‘yicha amaliy tavsiyalar berdilar.
Mazkur seminar-trening kombinatda investitsion jarayonlarni chuqurlashtirish, xorijiy sarmoyalarni jalb etish va yirik loyihalarni muvaffaqiyatli amalga oshirishda muhim qadam bo‘lib xizmat qiladi.
