Tyanjinda O‘zbekistonning yangi konchilik modeli taqdimoti

Bugun “China Mining 2025”ning eng muhim voqealaridan biri forum doirasida o‘tkazilgan "Uzbekistan Mining Industry Promotion day" konferensiyasi bo‘ldi.

Unda O‘zbekiston delegatsiyasi a’zolari, shuningdek, Xitoyning yetakchi konchilik, texnologiya va investitsiya kompaniyalari hamda xalqaro investorlar ishtirok etdilar.

Mazkur konferensiyada O‘zbekiston delegatsiyasi mamlakatimizning yangi konchilik siyosati, investitsion strategiyasi va sanoat transformatsiyasini xalqaro hamjamiyatga taqdim etdi.

TMK Boshqaruv raisining maslahatchisi Metin Alemdar o‘z taqdimotida TMK tomonidan ilgari surilayotgan hamkorlik platformalari va Xitoy kompaniyalari bilan qo‘shma tashabbuslarga alohida to‘xtaldi.

Taqdimotda TMK Xitoy kompaniyalari va investorlariga quyidagi hamkorlik yo‘nalishlarini taklif qildi:

➡️ kritik minerallarni chuqur qayta ishlash va yuqori qo‘shilgan qiymatli mahsulotlarni ishlab chiqarish bo‘yicha ilmiy-texnologik hamkorlik;
➡️ESG va Green Mining yechimlarini amaliyotga joriy etish;
➡️O‘zbekiston va Xitoy ilmiy muassasalari o‘rtasida qo‘shma o‘quv dasturlari va muhandislik integratsiyasi;
➡️O‘zbekistonni Osiyo–Yevropa kritik minerallar koridorida ishonchli va strategik hamkor sifatidagi o‘rnini mustahkamlash.

 

Tinglovchilar TMK yondashuvlarini O‘zbekiston–Xitoy sanoat hamkorligining yangi bosqichi sifatida baholab, qo‘shma loyihalar, investitsiya dasturlari va ilmiy almashinuv mexanizmlarini yo‘lga qo‘yish borasida katta qiziqish bildirdilar.

Forum qizg‘in davom etmoqda. Yangi hamkorliklar va global natijalarni biz bilan kuzatib boring.