Ayni kunlarda “O‘zbekiston texnologik metallar kombinati” AJ mutaxassislari Janubiy Koreyada malaka oshirish bo‘yicha maxsus o‘quv dasturida ishtirok etishmoqda.
Mazkur dastur metallurgiya sohasining ilg‘or yo‘nalishlarini qamrab olgan bo‘lib, mashg‘ulotlar Koreyaning yetakchi ilmiy va sanoat markazlari – KITECH, EGUN, WELTECH, Force Metal va Bolim bazalarida o‘tkazilmoqda.
Darslar nazariya va amaliyot uyg‘unligida tashkil etilib, bu yerda TMK vakillariga zamonaviy texnologiyalar uchun muhim bo’lgan yuqori aniqlikdagi uskunalar bilan bevosita ishlash imkoniyati yaratilgan. O‘quv dasturi 25-iyul kuni yakunlanadi.
