TMK delegatsiyasi Xitoyga safarini davom ettirmoqda. Navbatdagi manzil Fujian Gold Dragon Rare Earth zavodi bo‘ldi.
Dastlab tomonlar O‘zbekistonda qo‘shma loyihalarni yo‘lga qo‘yish va Markaziy Osiyo bozoriga xizmat qiladigan yirik sanoat markazini barpo etish istiqbollarini muhokama qildilar.
Shundan keyin TMK vakillari korxonaning zamonaviy, avtomatlashtirilgan, smart va yuqori texnologiyali tizimlari bilan tanishib, mutaxassislarning yuksak malakasi va ishlab chiqarish quvvatlarining kengayib borayotganini alohida e'tiborga oldi.
Ma'lumot uchun, Fujian Gold Dragon Rare Earth - tabiiy va qayta ishlangan oksidlar, noyob yer elementlari hamda noyob yer magnitlari ishlab chiqarishda yetakchi markazlaridan biri. Bugungi kunda u magnit ishlab chiqarish bo‘yicha dunyoda 3-o‘rin, Xitoyda esa 1-o‘rinda turibdi.
