O‘zbekistonning flagman aviakompaniyasi Uzbekistan Airways bort jurnalining navbatdagi sonida “O‘zbekiston: Buyuk Ipak yo‘lidan global kritik minerallar markaziga” nomli maxsus sahifa e'lon qilindi.
Sahifa O‘zbekiston texnologik metallar kombinati (TMK) faoliyati bag'ishlangan bo'lib, unda mamlakatimizning kritik minerallar sohasidagi strategik ustunliklari haqida ma’lumot berilgan.
Nufuzli jurnal dunyoning turli mamlakatlariga parvoz qilayotgan minglab yo‘lovchilar, xalqaro biznes vakillari, investorlar, diplomatik korpus a’zolari va sayyohlar auditoriyasiga yetib boradi.
Shu jihatdan ushbu nashr O‘zbekistonning investitsion salohiyati va sanoat imkoniyatlarini global miqyosda targ‘ib etuvchi muhim kommunikatsiya platformalaridan biri hisoblanadi.
