O‘zbekiston texnologik metallar kombinati hamda Yaponiyaning JOGMEC kompaniyasi mutaxassislari hamkorligida olib borilgan Lolabuloq maydonidagi dala o‘rganish ishlari 4 kun davom etdi.
Izlanishlar davomida Mang‘it va Bayankara maydonlarida burg‘ilangan quduqlar atrofida geologik va laboratoriya tadqiqotlariga oid namunalar o'rganildi.
Shuningdek, Hisor Markaziy geologiya-qidiruv ekspeditsiyasi omboriga tashrif buyurilib, o‘tgan yili ushbu hududdan olingan kern namunalari tahlil qilindi.
Geofizik ma’lumotlar tahlil qilingach, olingan natijalar asosida Lolabuloq maydonida kelgusida amalga oshiriladigan ishlar rejalashtiriladi.
