Kanadada bo’lib o’tayotgan PDAC xalqaro konferensiya doirasida O’zTMK va dunyoning yetakchi konchilik texnologiyalarini yetkazib beruvchi FLS kompaniyasi bilan hamkorlik memorandumi imzolandi.
Mazkur memorandum tomonlar o’rtasidagi strategik hamkorlikni mustahkamlash, mineral-xomashyo bazasini rivojlantirish, ilg’or ilmiy tadqiqotlarni amalga oshirish va yuqori malakali kadrlar tayyorlash tizimini yaratishga yo’naltirilgan.
Hamkorlik doirasida, ayniqsa, zamonaviy texnologik taraqqiyot uchun muhim hisoblangan litiy va volfram kabi noyob metallarni qazib olish va qayta ishlashga alohida e’tibor qaratiladi. Tomonlar texnologik innovatsiyalar transferi va ularni mahalliy sharoitga moslashtirish bo‘yicha faol ish olib boradi. Bu esa nafaqat hamkorlik loyihalarining innovatsion salohiyatini oshirish, balki butun sohaning texnik rivojlanishiga xizmat qiladi.
Ma’lumot uchun, FLS kompaniyasi konchilik sanoatida to‘liq texnologik yechimlar va xizmatlarni taqdim etuvchi xalqaro yetakchi kompaniyalardan biri hisoblanadi.
_1741160621.png)
