Yirik anjumanning diqqatga sazovor jihati unda “O‘zbekiston kuni”ning tashkil etilgani bo‘ldi. Ushbu tashabbus mamlakatimizning sanoat salohiyatini, ayniqsa, texnologik metallar va nodir yer elementlari sohasidagi imkoniyatlarini xalqaro maydonda keng targ‘ib etishga qaratildi.
Anjuman davomida O‘zbekiston Texnologik Metallar Kombinati boshqaruv raisi so‘zga chiqib, yurtimizning boy mineral resurslari va ularning strategik ahamiyati haqida xalqaro hamjamiyatga ma’lumot berdi.
Shuningdek, O‘zTMK sanoat uchun muhim bo‘lgan minerallarni qazib olish, qayta ishlash va ulardan qo‘shilgan qiymat yaratish bo‘yicha olib borayotgan loyihalarini taqdim etdi. Kompaniya tomonidan amalga oshirilayotgan innovatsion yondashuvlar, zamonaviy texnologiyalar va ekologik barqarorlik tamoyillariga asoslangan strategiyalar xalqaro ekspertlar tomonidan yuqori baholandi.
