⚡️Xitoyning va dunyoning volfram sanoatidagi yetakchi kompaniyalaridan biri —“Xiamen Tungsten” rahbariyati bilan bugun “O‘zbekiston Texnologik metallar kombinati” AJ vakillari o‘rtasida rasmiy uchrashuv bo‘lib o‘tdi.
📌 Uchrashuvda “Xiamen Tungsten” boshqaruv raisi Xuan Changek boshchiligidagi delegatsiya ishtirok etdi. Tomonlar o‘zaro manfaatli va uzoq muddatli sheriklik yo‘nalishlarini chuqur muhokama qilishdi.
✍️ Kun tartibida quyidagi strategik mavzular ko‘rib chiqildi:
🔘 Kompaniya faoliyati va ilg‘or texnologik imkoniyatlari haqida keng taqdimot;
🔘 Volfram, molibden, nikel kabi strategik metallar bo‘yicha qo‘shma loyihalarni yo‘lga qo‘yish;
🔘 Miskon kon loyihasi doirasida hamkorlikda ishlash va texnologik yechimlarni joriy etish;
🔘 O‘zbekistonda qo‘shma korxonalar tashkil etish imkoniyatlarini baholash.
🌎 Ushbu uchrashuv – O‘zbekistonning texnologik metallar sanoatini modernizatsiya qilish, xalqaro bozorga yuqori qo‘shilgan qiymatli mahsulotlar bilan chiqish va global ta'minot zanjirlarida ishonchli o‘rin egallash sari yana bir dadil qadamdir.
