Tog‘-kon sanoati va geologiya vazirligida Quvaytning Action Group Holdings kompaniyasi ijro qo‘mitasi a’zosi M. Abdulloh boshchiligidagi delegatsiya va Vazirlik rahbariyati o’rtasida uchrashuv bo'lib o'tdi. Unda O’zTMK vakillari ham ishtirok etdi.
Uchrashuvda O‘zbekistonda tog‘-kon sanoati sohasida amalga oshirilayotgan islohotlar, xususan, muhim minerallar yo‘nalishida hamkorlikni mustahkamlash kerakligi ta’kidlandi.
Shuningdek, uchrashuv davomida OʻzTMKning strategik loyihalari ham muhokama qilindi. Jumladan, kombinatning O‘zbekistonni global kritik xomashyo bozorida muhim ishtirokchiga aylantirishga qaratilgan strategiyasi taqdimoti o‘tkazildi.
Shundan so'ng, tomonlar Toshkent shahrida joylashgan Texnoparkka tashrif buyurib, soha bo'yicha ilg‘or texnologiyalar va ish jarayonlari bilan tanishdilar.
Ushbu uchrashuv har ikki tomon uchun katta qiymat keltiradigan strategik hamkorlik sari muhim qadamdir.
