Kanadaning Toronto shahrida bo‘lib turgan O'zTMK masʼullari dunyoga mashhur SGS kompaniyasining pilot ishlab chiqarish laboratoriyasiga tashrif buyurishdi.
Ushbu laboratoriya gidrometallurgiya va boyitish jarayonlarida ilg‘or texnologiyalarni joriy etish hamda innovatsion yechimlarni sinovdan o‘tkazish bo‘yicha yetakchi markazlardan biri hisoblanadi.
Tashrif davomida OʻzTMK vakillari zamonaviy gidrometallurgik texnologiyalar, rudalarni boyitishning yangi usullari, shuningdek, ishlab chiqarish jarayonlarini optimallashtirish bo‘yicha ilg‘or tajribalar bilan yaqindan tanishishdi.
Shuninhdek, uchrashuv chog‘ida ikki tomon o‘zaro hamkorlik istiqbollarini muhokama qilib, gidrometallurgiya va mineral resurslarni qayta ishlash sohasida qo‘shma loyihalarni amalga oshirish masalalarini ko‘rib chiqishdi.
