O‘zbekiston texnologik metallar kombinati hamda Xitoyning yetakchi kompaniyalaridan biri — Tianneng Battery Group bilan uchrashuv bo‘lib o‘tdi.
Muloqot davomida “Kelajak metallari texnoparki” hududida sanoat va maishiy energiya saqlash tizimlarini ishlab chiqarishga ixtisoslashgan qo‘shma korxona tashkil etish masalasi muhokama qilindi.
TMK va Tianneng Battery Group o‘rtasidagi muloqot ilk bor iyun oyida Toshkentda boshlangan edi. Shundan so‘ng TMK vakili Xitoyga tashrif buyurib, kompaniyaning ishlab chiqarish quvvatlari bilan yaqindan tanishgan hamda tomonlar o'rtasida qo‘shimcha muzokaralar olib borilgan.
Ma'lumot uchun, Tianneng Battery Group - Xitoyning akkumulyator batareyalari hamda energiya saqlash tizimlari ishlab chiqaruvchisi bo'lib, Xitoyning turli provinsiyalarida kompaniyaning 18 ta zavodi mavjud. Hozirda qariyb 30 ming kishi mazkur kompaniyada ish faoliyatini olib bormoqda.
