Ayni kunlarda Turkiyaning Izmir shahrida MINEX 2025 – Xalqaro konchilik, tabiiy resurslar va texnologiyalar ko‘rgazmasi bo‘lib o‘tmoqda.
Ushbu nufuzli maydon nafaqat mintaqaviy, balki global miqyosda ham geologiya, konchilik va sanoat texnologiyalaridagi eng ilg‘or yutuqlarni taqdim etmoqda.
O‘zbekiston texnologik metallar kombinati (TMK) vakillari ham mazkur ko‘rgazmada faol ishtirok etib, o‘z loyihalari va tashabbuslarini xalqaro hamjamiyatga tanishtirmoqda. B2B uchrashuvlar davomida hamkorlik istiqbollari muhokama qilinib, yangi aloqalar yo‘lga qo‘yilmoqda.
Xususan, Labris, CH Consultants, YPT (Yilmaz Proses Teknolojilari), Proses, BRS Engineering, ASOS Process Engineering hamda AKSA Process Engineering kabi yetakchi kompaniyalar bilan samarali muzokaralar olib borildi. Ushbu muloqotlar texnologik jarayonlarni modernizatsiya qilish, innovatsion uskunalar va ilg‘or muhandislik yechimlarini joriy etishda keng imkoniyatlar ochib bermoqda.
Jarayonlarni biz bilan kuzatib boring.
