O‘zbekiston–Yaponiya iqtisodiy muloqotida TMK uchun yangi imkoniyatlar

Toshkentda O‘zbekiston–Yaponiya va Yaponiya–O‘zbekiston iqtisodiy hamkorlik qo‘mitalari 18-yig‘ilishi bo‘lib o‘tdi.

Unda Yaponiya Iqtisodiyot, savdo va sanoat davlat vaziri Kenji Yamada boshchiligidagi delegatsiya, shuningdek, Mitsubishi Corporation, JETRO, JOGMEC, JICA, JBIC va NEXI kabi Yaponiyaning yetakchi kompaniya va institutlari vakillari ishtirok etdi.

Tadbirda O‘zbekiston texnologik metallar kombinati (TMK) vakillari ham qatnashib, ikki tomonlama sanoat va investitsiyaviy hamkorlikning istiqbolli yo‘nalishlari yuzasidan muzokaralar olib borildi.

Yig'ilish kun tartibidagi muhim masalalardan biri kritik muhim minerallar sohasida hamkorlikni rivojlantirish hamda barqaror ta’minot zanjirlarini shakllantirish bo‘ldi. Tomonlar ushbu yo‘nalishda texnologik kooperatsiya, sanoat loyihalari va uzoq muddatli sheriklik imkoniyatlarini muhokama qildi.

Yig‘ilish doirasidagi muhim natijalardan biri O‘zbekiston texnologik metallar kombinati (TMK) hamda Yaponiya–O‘zbekiston iqtisodiy hamkorlik qo‘mitasi raisi, Mitsubishi Corporation kompaniyasining katta maslahatchisi Masaki Tanimoto oʻrtasida Yaponiya bozorida kritik metallarni sotish va ilgari surish sohasida hamkorlik to‘g‘risidagi memorandum almashilgani bo‘ldi.

Mazkur memorandum O‘zbekistonda ishlab chiqarilayotgan kritik metallarni Yaponiya bozoriga yetkazib berish, barqaror savdo aloqalarini yo‘lga qo‘yish hamda uzoq muddatli hamkorlikni rivojlantirish uchun yangi imkoniyatlar yaratadi.

#CriticalMinerals #CriticalMetals #SupplyChainResilience #CriticalRawMaterials #Uzbekistan #Japan #TMK #IndustrialPartnership #InvestmentOpportunities #TechnologyCooperation #StrategicPartnership #MitsubishiCorporation