O‘zbekiston texnologik metallar kombinati delegatsiyasining Xitoyga tashrifi muvaffaqiyatli yakunlandi.
Bir hafta davomida delegatsiya a'zolari Xitoy sanoatining gigant korxonalari faoliyati, ishlab chiqarish quvvatlari hamda zamonaviy texnologiyalari bilan yaqindan tanishdilar.
Tashrifning asosiy manzillari:
Chengdu shahridagi XTC Molibden zavodi – molibdenni eritish, kukun va qotishma mahsulotlar ishlab chiqarish jarayonlari o‘rganildi;
Luoyang Golden Egret Geotools Co., Ltd. – sementlangan karbid uskunalari va kon jihozlari ishlab chiqarish bilan tanishildi;
Xingluokeng volfram boyitish fabrikasi – innovatsion va ekologik texnologiyalar o‘rganildi;
Fujian Gold Dragon Rare Earth – avtomatlashtirilgan va smart tizimlar o‘rganildi;
GESAC va XTC korxonalari – tog‘-kon uskunalari, qattiq qotishmalar va yangi energiya (litiy-ion katodlar) ishlab chiqarish bo‘yicha yo‘nalishlar ko‘rib chiqildi.
Uchrashuvlarda malakali kadrlar tayyorlash va mutaxassislar almashinuvi, O‘zbekistonda yangi gidrometallurgiya quvvatlarini yaratish, “Kelajak metallari texnoparki” loyihasi doirasida qo‘shma ishlab chiqarish klasterlarini tashkil etish, volfram, molibden, nodir yer elementlari va yangi energiya texnologiyalari bo‘yicha qo‘shma loyihalar, shuningdek, O‘zbekiston va Markaziy Osiyo bozoriga xizmat qiladigan sanoat markazlarini barpo etish masalalari muhokama qilingan bosh mavzular bo'ldi.
Rejalashtirilayotgan qo‘shma loyihalar mamlakatimizni mintaqada kritik minerallarni chuqur qayta ishlash va yuqori qo‘shilgan qiymatli mahsulotlar ishlab chiqarish bo‘yicha markazga aylantirishi kutilmoqda.
