O‘zTMK delegatsiyasi MINEX Forumining 7-strategik sessiyasida faol ishtirok etdi.
Mazkur sessiya O‘zbekistonning Qozog‘iston va Markaziy Osiyoning boshqa davlatlari bilan foydali qazilmalarni izlash, qidiruv ishlari hamda integratsiyalashgan sanoat klasterlarini rivojlantirish bo‘yicha transchegaraviy hamkorliklar mavzusiga bag‘ishlandi.
Sessiyada O‘zTMK Boshqaruv raisining operatsion masalalar bo‘yicha o‘rinbosari Ulug‘bek Ro‘ziyev xalqaro hamjamiyat vakillariga Kombinat faoliyati va istiqbolli loyihalari haqida taqdimot o‘tkazdi.
Forum doirasida O‘zTMK qator yirik kompaniyalar bilan hamkorlik aloqalarini mustahkamlashga qaratilgan 3 ta muhim uchrashuvni amalga oshirdi:
Fransiyaning "Geocomp", Buyuk Britaniyaning "Viridien" hamda Qozog‘istonning "Veritas Caspian" kompaniyalari bilan geofizika va geotexnika yo‘nalishlarida hamkorlikni kengaytirish;
Qozog‘istonning "Sael" kompaniyasi bilan laboratoriya va tahlil jarayonlari bo‘yicha hamkorlik;
Buyuk Britaniyaning "SRK Consulting" kompaniyasi bilan mavjud hamkorlikni kengaytirish va rivojlantirish masalalari ko‘rib chiqildi.
Ushbu uchrashuvlar nafaqat ilmiy-texnik salohiyat almashinuvi, balki texnologik yangiliklarni mamlakatimiz sanoatiga olib kirishda muhim bosqich bo‘lib xizmat qilishiga ishonamiz.
