Bugun Toshkent xalqaro investitsiya forumi doirasida O‘zbekiston texnologik metallar kombinati va AQShning Cove Capital nufuzli investitsiya kompaniyasi o‘rtasida Anglashuv memorandumi imzolandi.
Ushbu hujjat texnologik metallar sohasida investitsion loyihalarni ilgari surish va qo‘shma tashabbuslarni rivojlantirishga xizmat qiladi.
Xususan, Cove Capital boshqaruvchi hamkori Pini Altxaus oldin ham TMKga tashrif buyurgan, kombinat faoliyati bilan yaqindan tanishgan va uni yuqori baholagan edi.
"Oʻzbekiston AQSH va Yevropa uchun kritik minerallar xomashyosidan tayyorlangan qo’shimcha qiymat qo’shilgan mahsulotlarning yetkazib beruvchisiga aylanishga tayyor", degan edi Pini Altxaus o'z nutqida.
Ma'lumot uchun, Cove Capital strategik xomashyo va yashil energetika yo‘nalishlarida ixtisoslashgan investitsiya kompaniyasi bo‘lib, global miqyosdagi loyihalarda faol ishtirok etib kelmoqda.
