O‘zTMKda Xitoy Xalq Respublikasining China Construction Bank Corporation (CCB) vakillari bilan uchrashuv bo‘lib o‘tdi. Muloqot davomida O‘zTMK faoliyati hamda investitsiya loyihalari haqida taqdimot o‘tkazildi.
Bank vakillari O‘zTMKda amalga oshirilayotgan loyihalar uchun qulay moliyaviy sharoitlarda kredit mablag‘lari ajratish imkoniyati mavjudligini qayd etdi.
Jumladan, Sulfat kislota ishlab chiqarish zavodini qurish bo‘yicha loyihani moliyalashtirish yuzasidan muzokaralarni davom ettirishga tayyor ekanliklarini bildirdi.
Shuningdek, O‘zTMK 2025–2026-yillarda rejalashtirilgan investitsiya loyihalarida CCB hamda boshqa Xitoy moliya institutlarini hamkorlikka jalb etish taklifini ilgari surdi.
