O‘zbekiston texnologik metallar kombinati va Xitoyning Shandong Xinhai Mining Technology & Equipment Inc. o‘rtasida anglashuv memorandumi imzolandi.
Sanoat texnologiyalari va innovatsion yechimlar sohasida hamkorlik bo‘yicha imzolangan mazkur memorandum:
- ilg‘or texnologiyalarni joriy etish;
- zamonaviy uskunalar va texnologik yechimlar almashinuvi;
- texnik ko‘mak, tajriba almashuvi va muhandislik hamkorligini kengaytirish;
- ishlab chiqarish jarayonlarining innovatsion transformatsiyasi uchun xizmat qiladi.
Shandong Xinhai global miqyosda tan olingan loyiha ishlab chiqish va texnologik injiniring bo‘yicha mutaxassis kompaniya bo‘lib, 90 dan ortiq mamlakatda muvaffaqiyatli loyihalarni amalga oshirgan.
TMK uchun ushbu hamkorlik sanoatning raqamli, barqaror va texnologik rivojiga xizmat qiluvchi yana bir muhim strategik yo‘nalishdir.
