TMK bosh ofisida geotexnologiyalar, yer osti muhitini tahlil qilish va 3D modellashtirish sohasida yetakchi global kompaniya - Seequent delegatsiyasi bilan uchrashuv bo‘lib o'tdi.
Hozirgi kunda dunyoning eng yirik 10 ta konchilik kompaniyasidan 8 tasi Seequentning modellashtirish dasturlaridan foydalanadi. TMK ham 2025-yil iyul oyidan buyon Seequent’ning Qozog‘istondagi filiali bilan Leapfrog dasturi asosida hamkorlik qilib kelmoqda.
Mazkur dastur geologik ma’lumotlarni uch o‘lchovli muhitda modellashtirish, qatlamlar strukturasini tahlil qilish hamda resurslarni optimallashtirish uchun keng qo‘llanilmoqda.
Uchrashuv davomida tomonlar o‘zaro hamkorlikning amaliy natijalarini muhokama qilib, jarayonlarni tezlashtirish, ma’lumotlar integratsiyasini kuchaytirish va sun’iy intellekt asosida yangi modellarni joriy etish imkoniyatlarini ko‘rib chiqdilar.
Shuningdek, Seequent kompaniyasi CSS jamoasi rahbari Aleksandr Frolov tomonidan kompaniyaning yangi avlod texnologik yechimlari va dasturiy yangilanishlari taqdim etildi.
_1761912874.jpg)
_1761912876.jpg)
