Yevropa Ittifoqining EIT Raw Materials tashkiloti hamkorligida Yevropaning yetakchi kompaniyalari va ilmiy markazlari vakillari ishtirokida O‘zbekistondagi muhim xomashyo loyihalariga rasmiy safar dasturi tashkil etildi.
Dastur doirasida xorijlik ekspertlar TMKning Toshkent va Samarqand viloyatlaridagi ishlab chiqarish klasterlari, gidrometallurgiya zavodi va istiqbolli kon maydonlari bilan bevosita tanishdi.
Delegatsiya tarkibi Yevropa ittifoqi, EIT Raw Materials, MolyMet, Freiberg konchilik va texnologiyalar universiteti, WMC – Netherlands, Yevropa investitsion banki, Yevropa tiklanish va taraqqiyot banki, KU Leuven, Solvomet Group hamda Yevropa Ittifoqi institutlari kabi dunyo sanoatining eng nufuzli kompaniyalari vakillarini jamladi.
Xalqaro ekspertlar TMKning volfram, molibden va reniy bo‘yicha gidrometallurgiya texnologiyalari, texnogen chiqindilarni qayta ishlash jarayonlarida bo'lib, barqaror ESG yondashuvlari to‘g‘risida batafsil tanishdilar.
O‘zbekistonning kritik minerallar bo‘yicha imkoniyatlari global miqyosda yangi e’tibor markaziga aylanmoqda. TMK esa shu jarayonning markazida turib, yevropalik investorlar uchun ishonchli, ochiq va hamkorlikka tayyor platforma sifatida o‘z o‘rnini yanada mustahkamladi.
_1764585487.jpg)
_1764585487.jpg)
_1764585488.jpg)
_1764585487.jpg)
