ESG, AI va yashil sanoat: TMK kelajak ishlab chiqarishi modelini taqdim etdi
Eco Expo Central Asia 2026 xalqaro ko‘rgazmasi doirasida o'tkazilgan “O‘zbekiston tog‘-kon sanoatida barqaror rivojlanish sohasida xalqaro standartlarni joriy etish” mavzusidagi panel sessiyasida TMK Boshqaruv raisining yangi texnologiyalar, innovatsiyalar va sun’iy intellektni rivojlantirish bo‘yicha o‘rinbosari Amir Abidov spikerlik qildi.
Taqdimot davomida TMKda ESG tamoyillarini joriy etish, ishlab chiqarish jarayonlarini raqamlashtirish va yashil sanoat modelini shakllantirish borasida amalga oshirilayotgan yirik loyihalar haqida ma’lumot berdi. Jumladan:
-“Ingichka” texnogen chiqindilarini qayta ishlash loyihasi;
-ko‘mir kul-shlak chiqindilarini sanoat aylanmasiga qaytarish dasturi;
-molibden va volframni chuqur qayta ishlash majmualari;
-Smart Powder kukunli metallurgiya loyihasi;
-Grafit klasteri;
-R&D Park ilmiy-texnologik markazi yashil sanoat va yuqori qo‘shilgan qiymatli mahsulotlar ishlab chiqarishning muhim yo‘nalishlari sifatida taqdim etildi.
Sessiyada TMK O‘zbekistonda zamonaviy ESG yondashuvlari, sun’iy intellekt, Industry 4.0 texnologiyalari va past uglerodli ishlab chiqarish tamoyillarini amaliyotga joriy etayotgan sanoat transformatsiyasi markazlaridan biri ekanini alohida ta’kidlandi.
