TMK va Fransiya taraqqiyot agentligi “AFD Group” o‘rtasida hamkorlik aloqalarini yo‘lga qo‘yish bo‘yicha uchrashuv bo‘lib o‘tdi.
Uchrashuvda TMK investitsiya va moliyalashtirish sohasidagi yirik loyihalari haqida taqdimot o‘tkazdi. “AFD Group” o‘zining barqaror taraqqiyot, ekologik mas’uliyat va ijtimoiy tenglik tamoyillariga asoslangan yondashuvini bayon qildi.
Tomonlar moliyalashtirish mexanizmlari, hamkorlik doirasidagi ustuvor yo‘nalishlar va loyihalarni baholash tartiblari yuzasidan fikr almashdi. Uchrashuv jarayonida o‘zaro manfaatli sheriklik uchun salmoqli imkoniyatlar mavjudligi ta’kidlandi.
Tomonlar mavjud imkoniyatlarni chuqur o‘rganib, hamkorlikni izchil davom ettirishga va birgalikda amalga oshiriladigan loyihalar mexanizmlarni muvofiqlashtirishga tayyor ekanliklarini bildirdilar.
Ma’lumot uchun, “AFD Group” Fransiyaning rasmiy taraqqiyot moliyalashtirish agentligi bo‘lib, 150 dan ortiq davlatda barqaror rivojlanish, iqlim o‘zgarishiga qarshi kurashish, yashil transformatsiya va ijtimoiy tenglik bo‘yicha faoliyat yuritadi.
