Dunyoning eng ilg‘or elektromobil brendi – Tesla avtomobillari AQShdagi Fremont Factory zavodida ishlab chiqariladi. Aynan shu joydan Model S, Model X, Model 3 va Model Y kabi innovatsion avtomobillar global yo‘nalishlarga chiqadi.
Ammo Tesla’ning samaradorligi va ekologik ustunligi kritik metallar bilan bog'liq. Ular avtomobilning quvvat blogi, elektromotorlari, batareya tizimi va intellektual boshqaruvida muhim.
O‘zbekiston esa litiy, nikel, kobalt, volfram, molibden va titan kabi kritik metallar zaxirasiga ega.
Xususan, O‘zbekiston texnologik metallar kombinati mamlakatning bu salohiyatini real sanoat kuchiga aylantirmoqda.
Bugun TMK kritik minerallarni qazib olishdan, tayyor mahsulot holatiga keltirish va eksportgacha bo‘lgan to‘liq ishlab chiqarish zanjirini shakllantirmoqda.
