Har kuni u zamonaviy boyitish jarayonlarini boshqarib, telefon, samolyot va kosmik texnologiyalar uchun o‘ta zarur bo‘lgan volfram metalli ustida ishlaydi.
Dilnoza Nurmatova Ingichka boyitish fabrikasida 18 yildan buyon konsentratchi bo‘lib ishlab kelayotgan mutaxassis. Uning butun oilasi otasi, onasi, akasi va ukalari ham geologiya sohasida fidokorona mehnat qilib kelayotgan sulola vakillaridir.
"Ayol kishiga bu ish qiyin emasmi, deb ko‘p so‘rashadi. Oilaviy geologiya sohasida ishlaganimiz uchun bu muhit bizga tanish. Telefon, samolyot, kosmik texnologiyalarda volfram ishlatiladi. Biz shu metallning ishlab chiqarilish zanjirining eng boshida turamiz. Buni his qilganimda ichimdan faxrlanib ketaman”, deydi u.
Ammo uning uchun bu ish faqat jarayondan iborat emas. Bu faxr!
“Mustaqilligimizning 35 yilligi nishonlanadigan shu qutlug‘ ayyomda yurtimiz ravnaqi yo‘lida, sanoatimiz rivoji uchun o‘z hissalarini qo‘shib kelayotgan barcha insonlar qatorida mehnat qilayotganimizdan baxtiyormiz.”
