TMK bosh ofisida Avstriyaning BPG Group kompaniyasidan Klaus Mueller bilan samarali uchrashuv bo‘lib o‘tdi. Unda Avstriya Moliya vazirligidan Dr. Michael A. Mathiaschitz va Advantage Austriya kompaniyasidan Rudolf Lukavskylar ham ishtirok etdi.
Unda Uchrashuvda texnogen chiqindilardan kritik minerallarni ajratib olish texnologiyalari, ESG, “green mining” va sanoat xavfsizligi standartlari bo‘yicha o‘zaro tajriba almashish masalalari batafsil muhokama qilindi.
Avstriyalik mutaxassislar TMKning mavjud loyihalari bilan yaqindan tanishib, hamkorlikka yuqori qiziqish bildirdi va kelgusida muhokama qilingan yo‘nalishlarda hamkorlikni rivojlantirishga kelishib oldilar.
Ma'lumot uchun, BPG Group Yevropada sanoat jarayonlarini optimallashtirish, chiqindisiz texnologiyalar, mineral qayta ishlash hamda ekologik standartlar bo‘yicha yetakchi muhandislik kompaniyalaridan biri hisoblanadi.
