Bugun O‘zbekiston texnologik metallar kombinati delegatsiyasi Anqaraning yirik sanoat markazlaridan biri — OSTİM Texnoparkida bo‘lib, mazkur sanoat ekotizimi bilan yaqindan tanishdi.
Tashrif davomida texnoparkning boshqaruv modeli, “Turkuaz” va “Sariq” binolari, ustaxona majmualari, infratuzilma va investitsiya manbalari, shuningdek rezident kompaniyalar uchun yaratilgan sharoitlar va eksport ko‘rsatkichlari bilan batafsil o'rganildi.
Eng muhim yangilik — TMK va OSTİM Texnoparki o‘rtasida “Kelajak metallari texnoparki” hududida innovatsion eko-tizim yaratish bo‘yicha anglashuv memorandumi imzolangani bo'ldi.
Ushbu hujjat ikki davlat sanoat hamkorligini yanada mustahkamlash, ilm-fan, ishlab chiqarish va biznes integratsiyasini yangi bosqichga olib chiqish sari strategik qadam bo‘lib xizmat qiladi.
Mazkur hamkorlik orqali “Kelajak metallari texnoparki” mintaqaviy innovatsion markazga aylanishi va ikki mamlakat sanoat salohiyatini uyg‘unlashtirish orqali yangi istiqbollar ochilishi kutilmoqda.
OSTİM Texnoparkining yarim asrdan ortiq vaqt davomida shakllangan tajribasi, kichik va o‘rta biznesni birlashtirishdagi o‘ziga xos modeli TMK uchun muhim amaliy ahamiyatga ega bo‘ldi.
