5–10-noyabr kunlari Shanxayda bo‘lib o‘tgan 8-Xitoy xalqaro import ko‘rgazmasi (CIIE 2025) O‘zbekiston sanoati uchun yangi hamkorlik va eksport imkoniyatlarini ochdi.
Ko‘rgazma doirasida O‘zbekiston Milliy pavilyonida mamlakatimizning yetakchi kompaniyalari 200 dan ortiq turdagi tog‘-kon sanoati, qishloq xo‘jaligi, kimyo kabi sohalarda o‘z mahsulotlarini taqdim etdi.
Xususan, TMK ko'rgazmada O‘zbekistonning strategik minerallar sohasidagi xalqaro hamkorlik salohiyatini kengaytirish va yuqori texnologik sanoat tarmoqlarini rivojlantirishga qaratilgan “TMK Hub” konsepsiyasini taqdim etdi.
TMK delegatsiyasi 25 ga yaqin xalqaro savdo va injiniring kompaniyalari bilan samarali muzokaralar o‘tkazdi:
BAA Sanoat va ilg‘or texnologiyalar vazirligi, Shanghai Posway Holding Group, Wanxiang Qianchao, Linuo Chuangtou, QIGOAL Capital, LUCI New Energy Equipment Group, China Railway No.4 Engineering Group International Trade, Luhlaza kabi kompaniyalar shular qatoridan.
Muzokaralarda tomonlar eksport salohiyatini oshirish, innovatsion sanoat loyihalarini yo‘lga qo‘yish va strategik resurslar zanjirida hamkorlikni chuqurlashtirish bo‘yicha dastlabki kelishuvlarga erishdilar.
