“O‘zbekiston TMK” AJ “EPC” shartlari asosida “Molibden kuyindisini qayta ishlash bo‘yicha yangi gidrometallurgiya sexini qurish” loyihasini amalga oshirish yuzasidan tijorat takliflarini qabul qiladi.

DIQQAT E’LON!

“O‘zbekiston TMK” AJ “EPC” shartlari asosida “Molibden kuyindisini qayta ishlash bo‘yicha yangi gidrometallurgiya sexini qurish” loyihasini amalga oshirish yuzasidan tijorat takliflarini qabul qiladi.

Loyiha doirasida quyidagi kompleks ishlarni bajarish rejalashtirilgan:

• loyiha va ishchi hujjatlarni ishlab chiqish; 
• zarur texnologik va yordamchi uskunalarni yetkazib berish; 
• qurilish-montaj ishlarini bajarish; 
• uskunalarni o‘rnatish va montaj qilish; 
• muhandislik-kommunikatsiya tarmoqlarini tashkil etish; 
• ishga tushirish-sozlash va sinov ishlarini bajarish; 
• obyektni belgilangan tartibda foydalanishga topshirish. 

Yuqoridagilarni inobatga olib, mazkur yo‘nalishda yetarli tajriba, malakali mutaxassislar hamda zarur texnik imkoniyatlarga ega bo‘lgan mahalliy va xorijiy tashkilotlardan tijorat takliflarini taqdim etish so‘raladi.

Tijorat taklifida quyidagi ma’lumotlar ko‘rsatilishi lozim:

1. Loyihani amalga oshirishning umumiy qiymati, shu jumladan loyihalash, uskunalarni yetkazib berish, qurilish-montaj va ishga tushirish-sozlash ishlari qiymati alohida ko‘rsatilgan holda; 
2. Ishlarni bajarish muddati va bosqichma-bosqich amalga oshirish jadvali 
   (График работ); 
3. To‘lov shartlari (Bank kafolati yoki Avans to‘lovining qaytarilmaslik xavfini sug‘urtalash yuzasidan kafolat xati); 
4. Tashkilotning ushbu EPC yo‘nalishdagi ish tajribasi va amalga oshirilgan o‘xshash loyihalari to‘g‘risidagi ma’lumotlar asoslovchi hujjatlari bilan (shartnoma nusxalari, va qabul qilish dalolatnomalari yoki hisob faktura hamda foto hisobotlar); 
5. Mazkur shartnomalarni tuzishga asos bo‘lgan tanlov, tender, buyurtma yoki boshqa tegishli hujjatlar nusxalari; 
6. Loyihani amalga oshirishga jalb qilinadigan malakali mutaxassislar va mavjud moddiy-texnik baza haqida ma’lumot (asoslovchi hujjatlari bilan); 
7. Taklifning amal qilish muddati. 

Tijorat taklifiga quyidagi tasdiqlovchi hujjatlar ilova qilinishi shart:

• qurilish, loyihalash va montaj ishlarini amalga oshirish uchun tegishli litsenziya va ruxsatnomalar; (strategik obyektlarini qurish uchun ruxsatnoma bo‘lishi talab etiladi) 
• buyurtmachilarning tavsiyanomalari yoki ijobiy fikr-mulohazalari; 
• tashkilotning moliyaviy barqarorligini tasdiqlovchi hujjatlar; 
• asosiy muhandis-texnik xodimlarning malakasini tasdiqlovchi hujjatlar; 
• ishlarni bajarish uchun zarur texnika, mexanizm va uskunalar mavjudligi to‘g‘risidagi ma’lumotlar; 

Taqdim etilgan shartnomalar va bajarilgan ishlarni tasdiqlovchi hujjatlarda loyiha nomi, buyurtmachi, shartnoma qiymati, ishlarni bajarish muddati va amalda bajarilgan ishlar hajmi aniq ko‘rsatilishi lozim.

Tijorat takliflarini imzolangan va muhrlangan holda, skanerlangan nusxasi bilan birga info@uztmk.uz elektron manziliga yoki belgilangan tartibda “O‘zbekiston TMK” AJ joylashuv manziliga taqdim etishingizni so‘raymiz.

Ilova:Texnik topshiriq

Qo‘shimcha ma’lumotlar uchun:
Ichki xaridlar bo‘limi bosh mutaxassisi – Murotov.B.F
Tel: 70-202-10-10